الرئيسية > آش واقع > سكوب. خبار اخرى طلع المورال للمغاربة. 3 مليون كمامة فالنهار وغاديين نوصلو ب5 مليون وها وقتاش نقدرو نصدروهم
06/04/2020 20:30 آش واقع

سكوب. خبار اخرى طلع المورال للمغاربة. 3 مليون كمامة فالنهار وغاديين نوصلو ب5 مليون وها وقتاش نقدرو نصدروهم

سكوب. خبار اخرى طلع المورال للمغاربة. 3 مليون كمامة فالنهار وغاديين نوصلو ب5 مليون وها وقتاش نقدرو نصدروهم

كود هناء ابو علي ///

المغرب قرر اليوم يفرض على كاع لمغاربة اللي كيخرجو للشارع لبرا وكاع اللي كيخدمو برا مع حالة الطوارئ الصحية. وزارة المالية كانت حددات ثمن هاد الكمامات وخرج داك الشي فالجريدة الرسمية. البيان المشترك اللي فيه هاد الاجبارية قال جوجت الامور باللي “السلطات مجموعة من المصنعين الوطنيين من أجل إنتاج كمامات واقية للسوق الوطني” وباللي السعر غادي يكون “مناسب للبيع للعموم في 80 سنتيما للوحدة بدعم من الصندوق الخاص الذي أنشئ من أجل تدبير جائحة. دابا علبة مائة كمامة كدير 80 درهم.

وفق مصدر من وازة الصناعة والتجارة ل”كود” فان المغرب كينتج اليوم 3 مليون كمامة وباللي من هنا لاسبوع غادي ينتج 5 مليون كمامة.

العدد الكافي للاستهلاك الداخلي. هاد الشي كتقوم بيه دابا جوجت الشركات.

مصدر “كود” اكد باللي المغرب ممكن يصدر هاد الكمامات للسوق الدولية من هنا لشهر. اكيد وتيرة الانتاج غادية ترتافع وتفوت يوميا 5 مليون وحدة.

دابا هاد الشي راه ما كيعنيش كلشي يخرج. اللا. يخرجو اللي عندهم وثيقة باش يخرجو.

هاد الخدمة دارت بفضل خدمة وزير الصناعة والتجارة والاقتصاد الرقمي مولاي حفيظ العلمي. دابا منظمة الصحة العالمية اكدات على اهميتها ولكن كون ما تحركوش مصنعين مغاربة كيفاش غاديين نديرو. هنا فين كانت خدمة الوزير وفرقتو

موضوعات أخرى

06/06/2020 13:00

باش هاد الحكومة فاشلة وغادية تجهل لمغاربة بتصرفاتها. علاش ما دارش احتجاجات كبيرة ضد هاد الحجر الصحي كل نهار بهاد الطريقة

06/06/2020 12:00

اش واقع لهاد الحكومة؟ كيفاش باغية تغرق لبلاد وتسدها. شي سيناريوهات: حتى لشتنبر عاد تفتح الحدود وتونس 27 يونيو والصبليون 1 يوليوز