كود سعيد الشاوي ///

علمت “كود” ان زيارة الرئيس الفرنسي ايمانويل ماكرون للمغرب نهاية هاد الشهر غادي يتعلن على قرارات غير مسبوقة فالعلاقات المغربية الفرنسية. حسب مصادر “كود” فان الملك محمد السادس تلاقى خلال زيارتو الحالية لباريس مع ماكرون.

طبعا لقاء خاص ما تسربش منو تفاصيل٬ لكن مصادر ديبلوماسية فباريس اكدات ل”كود” باللي من المتوقع ان باريس خلال هاد الزيارة غادي يتعلن عن افتتاح قنصلية فرنسية فمدينة الداخلة او فمدينة فالصحرا بالاضافة الى استثمارات فرنسية فهاد المنطقة

وكان قصر الاليزي اكد قبل ايام ان ماكرون سيقوم بزيارة دولة الى المغرب “في نهاية اكتوبر” بهدف ترسيخ إعادة إطلاق العلاقات الثنائية بعد فترة طويلة من الفتور.

هاد الشي جا بعد رسالة لسيدنا لرئيس فرانسا وفيها: “ومن هذا المنطلق، وكما أشرنا إلى ذلك خلال اتصالاتنا السابقة، سأكون سعيدا باستقبالكم في المغرب، في إطار زيارة دولة يتم تحديد تاريخها عبر القنوات الدبلوماسية”.

وفق مصادر “كود” ولى مسموح لكبار رجالات الدولة الفرنسية زيارة مدن الصحرا. ويتوقع يكون من اللولين اللي غاديين يزورو المنطقة قبل نهاية هاد العام٬ رئيس مجلس الشيوخ الفرنسي اليميني جيرار لارشي اللي عندو دعوة من مجلس المستشارين المغربي