الرئيسية > آش واقع > سكوب.. تقليقة خايبة على الوزير آيت الطالب من جهات عليا ومصدر لـ”كود”: دار أخطاء كارثية حقاش معندوش تجارب وإعفائه مسألة وقت
01/06/2020 09:30 آش واقع

سكوب.. تقليقة خايبة على الوزير آيت الطالب من جهات عليا ومصدر لـ”كود”: دار أخطاء كارثية حقاش معندوش تجارب وإعفائه مسألة وقت

سكوب.. تقليقة خايبة على الوزير آيت الطالب من جهات عليا ومصدر لـ”كود”: دار أخطاء كارثية حقاش معندوش تجارب وإعفائه مسألة وقت

كود أحمد الطيب الرباط//

علمت “كود”، من مصدر مطلع، أن جهات عليا غاضبة بزاف ومقلقة من وزير الصحة، خالد آيت الطالب، بسبب خرجاته الطائشة واللي معارفش العواقب ديالها. مصدر “كود” أوضح أن إعفاء المسؤول الحكومي غير مسألة وقت وصافي.

وأكد مصدر “كود” المقرب من دواليب القرار أن الوزير آيت الطالب دار أخطاء كارثية معارفش العواقب ديالها، وكانت آخرها تصريحه على المغاربة العالقين. الوزير كيف قال مصدر “كود” كان ادخل فشي أمور بعيدة عليه وأقحم جلالة الملك في ملف حساس بزاف ونايض عليه الصداع.

الوزير آيت الطالب كان قال أنه بمبادرة ملكية غادي يرجعو المغاربة العالقين عبر دفعات، مؤكدا أن تدبير العملية انطلق من خلال برمجة إعادة 300 شخص في الأسبوع الواحد، قبل أن يكذب نفسه ويخلق ارتباك داخل الحكومة.

مصدر “كود” زاد موضحا أن آيت الطالب معندوش الحق يهضر على هاد الموضوع وخا القطاع الذي يبدره الآن هو لي كيشوف الوضعية الصحية ديال البلاد، مؤكدا أن موضوع المغاربة العالقين في الخارج كان خاص يهضر عليه وزير الخارجية أو رئيس الحكومة بنفسو ماشي وزير الصحة، والطامة الكبرى مشا ورّط رئيس الدولة. هذا خطأ قاتل ارتكبو.

وبالإضافة إلى كل ذلك، عرفت وزارة الصحة منذ تعيين خالد آيت الطالب غليان وصراعات غير مسبوقة، فضلا عن إعفاء عدد من المسؤولين بدون وجه حق. مصدر “كود” أشار أيضا إلى أن آيت الطالب معندوش تجارب فالحكومة وأول مرة خدا حقيبة وزارية ثقيلة عليه.

وأكد مصدر “كود” أن الظرفية اللي كتدوز منها بلادنا فرضات تأجيل مسألة المحاسبة على أخطاء الوزير آيت الطالب القاتلة لكن كاين تقليقة عليه. مصدر “كود” توقع أن يعفى المسؤول الحكومي بعد تجاوز البلاد هاد الأزمة.

موضوعات أخرى

04/07/2020 19:30

تبون: ما عندناش مشكل مع المغرب ولكن كاين لي فالمغرب عندو معانا مشاكل.. وما نكَولش واش درنا قاعدة عسكرية.. ومشكل الحدود كان رد فعل على إهانة الجزائر

04/07/2020 19:00

هذا موضوع مهم بزاف بغيت نفتحو فيه نقاش مجتمعي ! علاش ماعندهاش لي سيكس شوب فالمغرب ؟! هاه ؟ شنو المشكل بالضبط ؟! و الا غدا بغيت نستثمر مجال الالعاب الجنسية واش غانتشد فالحبس ؟! بأي حق ؟

04/07/2020 18:30

المراقب العام المنصوري لـ”كود”: مكافحة الجريمة معندهاش حد والكميات الهائلة اللّي تحجزات ديال الحشيش كانت فالحجر الصحي