الرئيسية > آش واقع > سكوب. بنعبد القادر مالقاش كيف يدير يحط ولد اخت لشكر فديوان وزارة العدل.. “كود” جابت علاش وها الشوهة لكبيرة اللي تدارت
17/10/2019 07:30 آش واقع

سكوب. بنعبد القادر مالقاش كيف يدير يحط ولد اخت لشكر فديوان وزارة العدل.. “كود” جابت علاش وها الشوهة لكبيرة اللي تدارت

سكوب. بنعبد القادر مالقاش كيف يدير يحط ولد اخت لشكر فديوان وزارة العدل.. “كود” جابت علاش وها الشوهة لكبيرة اللي تدارت

أحمد الطيب – كود الرباط////

في خضم النقاش الواسع اللي خلقو إدريس لشكر الكاتب الأول لحزب الاتحاد الاشتراكي للقوات الشعبية، الذي حاول جاهدا الضغط على وزير العدل الجديد بنعبد القادر باش يعين ولد اختو المحامي بهيئة فاس مديرا لديوانه.

وحسب مصادر من وزارة العدل لـ”كود”، فإن الوزير بنعبد القادر كان رضخ لضغوطات لشكر لكن طاح فواحد الإشكال قانوني ملقاوش ليه الحل. هاد الإشكال هو أن ولد أخت لشكر المحامي غسان باحو أمرسال ميمكنش ليه يكون مدير ديوان الوزير حقاش كاين حالة التنافي. خاصو يسد البيرو اللي عندو ديال المحاماة. لكن هاد المحامي اللي كيدير حتى الشعر اطلع قافز شويا.

مصدر مقرب من المحامي غسان “ولد اخت لشكر” قال لـ”كود” انه ميمكنش ليه يسد المكتب ديالو حقاش غادي يجي شي انهار كما هو معروف مغاديش يبقا مدير الديوان ويصدق لا هادي لا هادي، وزيد عليها أن وزير العدل الحالي تقتلق بزاف من الخبر اللي خرجاتو “كود” على هاد لفضيحة اللي كانت غادي تكون.

فضيحة أخرى دارها وزير العدل بنعبد القادر هي جاب حسن لشكر نجل الكاتب الأول لحزب “الوردة” مديرا لديوانه. ولد لشكر كان مع بنعبد القادر فالوظيفة العمومية وكان عور ليها عينيها داك الساعة ودبا عاود نفس الخطأ. المهم خيرنا ميخدوه غيرنا. وزير العدل خاصو يكون قافز وميضغط عليه حد ويسمع للخطاب الملكي مزيان ويتمعن فيه شويا. راه الوقت تبدل.

موضوعات أخرى

11/07/2020 20:30

قيادي فالبام لـ”كود”: وهبي مقدرش يسيّر البام وحتى حزب مجاوبو باش يتحالف معاه فالانتخابات الجاية وهوايته هي البُوزْ والتراكتور غادي يرجع مهمش ومنسي

11/07/2020 19:30

سب الحقوقيين ووصف الضحية ب”الطوبة”.. روينة نايضة بعد متابعة حقوقي متهم باغتصاب قاصر حملات فحالة سراح.. والمحكمة غاتراجع قرارها

11/07/2020 19:00

وعي الشعب المغربي مايمكنش تعول عليه بلا ماتحط ليه القايد والمخازنية عند راسو باش يسوقوه نحو خلاصه، أما غير هاكة بوحدو مطلوق وتسناه يدير الكمامة ويحتارم الإبتعاد الإجتماعي فراه مستحيل