الرئيسية > آش واقع > سكوب..بسبب ضريبة الاستيراد: لوبي “الكارو” طيح كواريه وها شنو طلب من بنشعبون 
10/07/2020 16:30 آش واقع

سكوب..بسبب ضريبة الاستيراد: لوبي “الكارو” طيح كواريه وها شنو طلب من بنشعبون 

سكوب..بسبب ضريبة الاستيراد: لوبي “الكارو” طيح كواريه وها شنو طلب من بنشعبون 

هشام اعناجي – كود الرباط//

علمت “كود” من مصدر  مطلع أن شركات التبغ طيحو كواريهم ودارو لقاء مع لقاء مسؤولي وزارة الاقتصاد والمالية، بغاو يدير التصنيع المحلي.

وحسب مقرب من وزير الاقتصاد والمالية محمد بنشعبون ل”كود” فإن هاد الشركات المستوردة للتبغ بغات تولي شركات مصنعة، بسبب رفع رسوم الاستيراد إلى 40 في المائة.

هاد الضريبة على الاستيراد غاتجيب مداخيل مهمة بالملايير دراهم.

وقال بنشعبون، اليوم في لجنة المالية بمجلس النواب، أثناء مناقشة مشروع قانون مالية تعديلي 2020، أن هذا القرار ديال رفع رسوم الاستيراد غدي يشجع التصنيع المحلي.

مصدر من الجمارك قال ل”كود” كون مكانش هاد الاجراء مغاديش يجيو هاد الشركات”، مضيفا :”ودبا قاليك باغين يصنعو من المغرب يعني يجيبو المادة الخام ويصنعو فالمغرب

كاينا نسبة كتصنعها الشركة المغربية للتبغ ونسبة اخرى  يتم استواردها من طرف شركات.

هاد اللوبي لي اصلا ضغط بزاف على الحكومة والبرلمان باش مايخرج القانون منع التدخين في الأماكن العام، ولي دمر صحة المواطنين، اليوم كيديرو القوالب مع الدولة فاش تزادو الضريبة على الاستيراد باغين يديرو صناعة فالمغرب.

لوبي وراء منع إخراج النصوص التطبيقية لقانون منع التدخين، الذي يعود تاريخ صدوره إلى سنة 1991، لكن هذا القانون لا يطبق منذ ذلك التاريخ، رغم مرور أكثر من 20 سنة على المصادقة عليه داخل البرلمان.

هاد اللوبي باغي يضغط باش يهبطو الرسوم ديال الاستيراد وفاش مقدش يبدلها دبا باغي يدير التصنيع فالمغرب ويستغلو هاد التشجيع على الصناعة مع الخطة الجديدة ديال الحكومة فمجالس الصناعة.

موضوعات أخرى

14/08/2020 09:14

المغرب لعب دور فهاد العلاقات الاماراتية الاسرائيلية. نسيب ترامب وكبير مستشاريه تلاقى بمحمد بن زايد فالمغرب هادي عام. دابا واش الرباط غادية تكون هي الثانية بعد ابو ظبي وتفتح سفارتها فتل ابيب؟

14/08/2020 08:00

صحاب الدياليز كيعانيو مع كورونا.. شي مراكز دالتصفية كتتهرب من استقبالهم وكيلقاو صعوبة فولوج الخدمات الصحية.. والمرابط لـ”كود” : هذ الفئة عندها أولوية فالكشوفات على الفيروس.. واللي مصاب كيستفد من العلاج منعزل على لخرين