علمت “كود” ان صاحبة الكلب اللي تصور وتنشر فيديو ديالو فالفايسبوك =شوف الفيديو= لا علاقة لها بالعائلة الملكية. وقال احد ركاب طائرة رحلة الدار البيضاء نيويورك السبت 30 يناير 2016 على متن “دريملاينر” ان الامر يتعلق بزوجة باطرون “التجاري وفا”.

حسب مصدر “كود” فان السيدة كانت تحمل معها كلبا ماشي بيتبول كيمفما كالو شي وحدين ولكن كلب كبير وانه اثناء تناولها للاكل اخرجته من السياج الذي كان فيه وجعلته يتنقل في “درجة الاعمال”.

هاد المنظر صدم كلشي اللي فالطائرة حتى المضيفات والمضيفين “جاو عندها وكالو ليها باللي ماشي قانوني تخرجي الكلب ورجعاتو لبلاصتو” يحكي مصدر “كود”.

حسب قانون الطيران المدني يحق لكل مسافر ان يصطحب معه كلب او قط او حيوان اليف شرط ان لا يتجاوز وزنه 5 كلغ وان يتم وفق القوانين الجاري بها العمل. حسب مصدر ل”كود” فان حرم باطرون “التجاري وفا” لم تخالف القانون باصطحاب الكلب “واخا كبير راه ماشي مخالف القانون”

دابا هاد لفضيحة هي اللي تورطات فيها “لارام”. احسن طيارة ديالها كيتسارى فيها كلب حرم باطرون اكبر بنك فالمغرب وفوق كل هذا تم اتهام العائلة الملكية واخا ما دارو والو ما كانوش حتى فالطائرة