الرئيسية > آش واقع > سكوب. اللي عندو خوه فالعرس. بوريطة مهلي فخوه. الموظفين كيلوحهم فدول بعيدة ويوسف رجعو فهاد المنصب فسويسرا
17/01/2020 10:30 آش واقع

سكوب. اللي عندو خوه فالعرس. بوريطة مهلي فخوه. الموظفين كيلوحهم فدول بعيدة ويوسف رجعو فهاد المنصب فسويسرا

سكوب. اللي عندو خوه فالعرس. بوريطة مهلي فخوه. الموظفين كيلوحهم فدول بعيدة ويوسف رجعو فهاد المنصب فسويسرا

كود احمد الطيب ///

ناصر بوريطة وزير الخارجية والتعاون اللي كيكره لعيالات اللي عندهم شخصية٬مهلي فخوه يوسف. هاد الولد اللي باسل شوية وحاس براسو كان فبروكسيل ولاهاي قبل ما يعينو خوه٬ وفق مصدر “كود”٬ الرجل الثاني فسفارة المغرب فبيرن السويسرية.

اييه عين خوه فسويسرا. تصورو اولاد الشعب اللي ما عندهمش اللي يكالي عليهم كيمشيو يحرثو عليهم فدول بعيدة وخوه مشى من بلجيكا لهولندا وسالا فسويسرا.

هادي باش تعرفو كيفاش كيفكر هاد لوزير. الناس عندو ماشي بحال بحال. اللي مفروض عليه من الفوق ما يقدرش يهدر معاهم ولكن اللي ما عندهم حد كيدخل فيهم باستثناء خوه يوسف. هاداك خاصو يبقى غير فالدول المزيانة.

موضوعات أخرى

12/08/2020 11:30

أخنوش دار اعادة تنظيم الصيد البحري بمشروع قانون: عقوبات كتسنا المخالفين صحاب السفن فيها الحبس وها كيفاش الصيد فالمنطقة الخالصة