كود كازا ///
الدواعش وناس الامر بالمعروف والنهي عن المنكر سالاو من الدول بحال السعودية وبانو فالدروة حدا كازا. حسب مصادر ل”كود” فالسبت اللي فات شي وحدين لحايا ظاهرهم معتدلين وتصرفاتهم داعشية٬ شدو مواطن دخل لبيسري الشراب مرخصاه الدولة المغربية فالمنطقة وسلخوه.
وفق مصادر “كود” هاد المواطن نهار السبت 6 ماي 2023 دخل يشري ليه بيرات يتبرد بيهم مع راسو. خرج لقى شي وحدين٬ وبداو يضربو فيه. سلخوه.
وفق مصدر من الجدارمية ل”كود” من الدورة٬ بعد ما وصل لخبار ليهم شدو 4 من هادو ديال الامر بالمعروف والنهي عن المنكر بلا خبار المخزن.
مصدر ل”كود” قال باللي هادي مدة ومجموعة من المتطرفين كيداعيو الاعتدال فيهم واحد مستشار فهاد الجماعة كيديرو التحريض على محل رسمي ديال الدولة لبيع الشراب.
دابا هاد الدواعش خاصهم يعرفو باللي هادي دولة عندها قانون ماشي قانون الارهاب اللي كيحكمو بيه فالدولة الاسلامية للي كانت فالعراق وسوريا وماشي حنا افغانستان طالبان ولا شي دولة اخرى من هادوك التخلف.
الدواعش خاصهم يخلصو
