الرئيسية > آش واقع > سكوب. الأيادي البيضا جبدات لوسخ لكحل. وناري ودوا تلفون ملك الطاسة بلادنا تنقى: لقاو عندو 10 الاف كونطاكت فيهم كاع لكبار
09/09/2020 11:30 آش واقع

سكوب. الأيادي البيضا جبدات لوسخ لكحل. وناري ودوا تلفون ملك الطاسة بلادنا تنقى: لقاو عندو 10 الاف كونطاكت فيهم كاع لكبار

سكوب. الأيادي البيضا جبدات لوسخ لكحل. وناري ودوا تلفون ملك الطاسة بلادنا تنقى: لقاو عندو 10 الاف كونطاكت فيهم كاع لكبار

كود هناء أبو علي ///

علمت “كود” ان سقوط ملك الطاسة بوقنوف الملقب بالخريبكي غادي يفضح ناس كثار. وفق مصدر “كود” فان ياسين الزهراوي مول اوطيل عين الدياب فكازا اللي لقاو عندو الطاسة مدرحة وفاسدة ومباشرة بعد اعتقال المسؤول ديالو، مشى كيقلب على الفاكتورات. كان كيعتاقد باللي ايلى لقى الفواتير حل الجرة ديالو

غير هو جابهم وحطوهم فالملف وهاد الشي خلى التحقيق ينتابه لملك الطاسة. لقاو فواتير فشي شكل. بحثو وفق مصدر “كود” على مول هاد الفواتير. كانت المفاجأة. طاحو فملك الطاسة.
كيزود السوق بالشرابات المدرحة. ديپوات كثار فخريبكة وواد زم وبني ملال وكازا ومدن اخرى

وفق مصدر “كود” فهاد ولد لخريبگي عندو شي 10 الاف كونطاكت، فيهم كاع رجالات الدولة. فالقضاء فالداخلية فالأمن فالوزارات ….

باش نعرفو شبكتو مزيان خاص التلفون يتكلم. خاص نجبدو بأشراف القضاء طبعا، شكون كان كيحميه. هادي ماشي عملية ساهلة. يمكن من اكبر عمليات الفساد فالبلاد. شي مسؤول قال باللي هاد الشئ كان كيوقع قبل، غير هو ما كانش كيوصل للمحكمة. دابا مع الحموشي المدير العام للأمن الوطني اللي طلق الأيادي البيضاء ما يقدر حتى شي حد يحمي هاد الفاسدين. غادي يخرج كاع لوسخ لكحل ديال الفساد

موضوعات أخرى

25/09/2020 21:00

منصف السلاوي: لقاح كورونا غادي يكون واجد قبل نهاية 2020.. والصين وروسيا سبقونا حيت داكشي ديالهم سياسي كثر من انه تقني.. وهادشي ماعندو علاقة بسرعة الإعلان بل بالكفاءة وبإخضاع أكبر عدد ممكن من الناس للقاح – فيديو