الرئيسية > آش واقع > سكوب.. الأميرة زينب اخت الأمير هشام نقذات ساكنة الهرهورة من أزمة بيئية
11/01/2019 09:00 آش واقع

سكوب.. الأميرة زينب اخت الأمير هشام نقذات ساكنة الهرهورة من أزمة بيئية

سكوب.. الأميرة زينب اخت الأمير هشام  نقذات ساكنة الهرهورة من أزمة بيئية

هشام اعناجي كود الرباط//
[email protected]

علمت “كود” من مصدر مطلع أن الأميرة زينب العلوي شقيقة هشام العلوي، عبرت عن تضامنها مع ساكنة تجزئة “إقامة الزرقاء” للي دارت وقفة احتجاجية على قرار دارو رئيس جماعة الهرهورة الجديد، لي سمح لشركة ريضال باش تربط الماء ديال الشتاء للبحر وهو الأمر لي يقدر يدير أزمة بيئية بالمنطقة خصوصا ان الهرهورة مافيهاش الواد الحار”.
وقال مسؤول بجماعة الهرهورة في اتصال مع “كود” :”فعلا كانت وقفة احتجاجية وحضرات السيدة الأميرة زينب واتفقت مع ساكنة لي احتجو خصوصا وأن القضية مرتبطة بالوضع البيئي”.

واضاف ذات المسؤول “المشكل هو أن شركة ريضال مبغاتش دير خدمتها وبغات تزرب على ربط مياه ديال الشتاء مع البحر بطريقة للي غادي يأدي لكارثة بيئية خصوصا وأن الهرهورة مافيهاش واد الحار وبالتالي غادي يتخلط ماء ديال شتا مع مياه ملوثة كاينا فدوك الحفاري لي دارو ناس على حساب طواليتات ديالوهم”.


مهم فهادشي لي وقع هو أن السلطة المحلية تخلعات بزاف وقع ليها استنفار ملي شافت الأميرة هبطات عند ناس وعبرات ليهم على تضامن ديالهم، وملي جا عندها الباشا خلاه يخبرها بلي الأشغال غادي توقف.
ماشي غير الباشا لي تزعزع حتى رئيس الجماعة الجديد لي جا مور الكوميسير فوزي بنعلال.
وتطالب ساكنة التجزئة المعنية ب”إيقاف الأشغال التي تباشرها شركة عقارية حبق التي تعتزم ربط مياه الأمطار الغير المعالجة بشاطى سهب الذهب.
وتنطلق هذه القنوات من إقامة “الزرقاء ” متوجهة نحو الشاطى مباشرة، مرورا بإقامات المجمع السكني سهب الذهب “فالدور بلاج”.

واستندت الساكنة إلى  القانون رقم 22-81 المتعلق بالساحل، الذي يحدد القواعد الأساسية من أجل تدبير مندمج ومستدام للسواحل قصد حمايتها من التلوث، حيث ترفض الساكنة إفراغ هذه المياه في الشاطئ وهو ما يضرب عرض الحائط كل المبادئ والقواعد “النبيلة التي ينص عليها القانون المذكور والميثاق الوطني للبيئة” حسب مراسلة سابقة من الساكنة إلى الأميرة زينب.

موضوعات أخرى

17/10/2019 19:00

رسميا. اللي بغى يعوض الياس العماري فجهة طنجة تطوان يتقدم. الوالي يعلن رسميا باللي البلاصة خوات وبرر هاد الشي ب”الانقطاع عن مزاولة المهام” ماشي الاستقالة