الرئيسية > آش واقع > سكوب. اعلام الجنرال شنقريحة الجزائري طالق السلوكية وكايداعي شراء سوخوي 57: “كود” جابت معطيات دقيقة وعلمية على هاد الكذبة الحربية وكيفاش طائرة إف 16 المغربية خلعات الدزاير
25/11/2020 09:00 آش واقع

سكوب. اعلام الجنرال شنقريحة الجزائري طالق السلوكية وكايداعي شراء سوخوي 57: “كود” جابت معطيات دقيقة وعلمية على هاد الكذبة الحربية وكيفاش طائرة إف 16 المغربية خلعات الدزاير

سكوب. اعلام الجنرال شنقريحة الجزائري طالق السلوكية وكايداعي شراء سوخوي 57: “كود” جابت معطيات دقيقة وعلمية على هاد الكذبة الحربية وكيفاش طائرة إف 16 المغربية خلعات الدزاير

هشام اعناجي – مكتب الرباط//

الاعلام المدافع عن عصابة الجيش الجزائري الحاكمة شاداها الخلعة وعاطيينها لكذوب، من التطبيل للانتصارات الوهمية للبوليساريو إلى ادعاء شراء طائرة السوخوي 57 وهي من طائرات الجيل الخامس لي ماكايشدهاش الرادار.

والمصدر ديال الاعلام الجزائري هو موقع بروباغاندا روسي اسمه افيا برو، ومعروف على المواقع الروسية انها اطلقت العديد من الاخبار الزائفة حول هذه الطائرة لي مازال ماواجداش فالسوق وقالو بغاتها تركيا والفيتنام والجزائر الخ باش اهزو لراسهم المورال أمام تقدم اف 35 الأمريكية.

كود تكلمات مع واحد الخبير في الشأن الاستراتيجي لي استغرب من السلوكية ديال الجزائر لأن السلاح الروسي مازال مابدا في الاستخدام الفعلي لهاذ النوع من الطائرات التي كاداعي روسيا أنها ماكايشدهاش الرادار وباغيا تنافس بيها اف 35 ديال ميريكان .

كل ما في الأمر أن روسيا استخدمت نماذج من سوخوي 57 لي كاتصنع فيها منذ 2002 ، في سوريا وقالت أن عندها فاعلية كبيرة ولكن دون اعطاء دليل على ذلك كما أن هذه الطائرة لم يسبق لها أن شاركت في عملية قصف او استهداف.

وكانت طاحت ليهوم واحد السوخوي 57 في 2019 خلال التجارب وكانت الطائرة الوحيدة من نوعها الجاهزة للقتال وهادشي شوه بزاف بصناعة الطائرات الروسية.

وما نساوش أن الجزائر عندها مشاكل مع سقوط الطائرات العسكرية روسية الصنع في السنوات الأخيرة، بل في 2008 رجعات الجزاير 12 طائرة روسية من نوع ميغ 29 بسبب مشاكل تقنية.
ولكن الجزائر واخا تبغي تشري شي طيارة مقاتلة اخرى ماتقدش، لأن ترسانة ديالها كاتعتامد على روسيا كليا. وروسيا معروفة عندها مع الصواريخ البالستية ما عدا ذلك فإن بينها وبين التكنولوجيا الامريكية ما بين السماء والارض.

الهند كانت تشاركات مع روسيا فهاد المشروع ديال سوخوي 57 ولكن بان ليها التخلويض والتعطال بالاضافة الى مشاكل في الموطور ديال هاد السوخوي وانساحبات الهند في  2018 ودابا خدامة على طائرة ديالها.

داباهاد السلوكية ديال السوخوي 57، أصل هاذ الكذبة هو القلق لي خالقاه اف 16 لي عند الجيش المغربي ولي خلات القوة الجوية ديال المغرب اقوى من نظيرتها الجزائرية.

وادابا روسيا براسها يالاه لونصات لاكوموند ديال 76 طائرة سوخوي ومازال كاع ماتسلماتهم من لوزين، وايجي واحد ببغاء ديال شنقريحة يشتغل في جريدة الشروق اقول ليك راه لونصاو حتا هوما كوموند.

دابا الجزائر والصحافة ديالهم كايسحاب ليهوم الجيش هو السلاح، ولكن في الواقع الجيش هو الاستراتيجية، والجزائر كدولة هشة جدا ككيان وكبنية تحتية، لأنها دولة لم تستطع حتا حماية منشآتها النفطية من جماعة ارهابيين راكبين في سيارات دفع رباعي وباقي واحلا مع مختلف التنظيمات المتشددة التي تصول وتجول في صحرائها وجبالها وباغا تنافس المغرب لي ماكايجي فين افكر شي حد ف شي منتيف ارهابي حتا كايشدوه فلبلاصة.

وباش نساليو مع هاد الكذبة، وخاص الاعلام الجزائري إعرف بلي أن وزارة الدفاع الروسية ملي كاتبيع شي سلاح راه كاتعلن عليها وخاص الجزائريين اعرفو أن السلاح لوحده لا يضمن لا الأمن ولا الاستقرار وايشوفو في مثال القذافي لي مانفعو لا سلاح لاوالو في غياب جبهة داخلية متينة ومؤمنة بالدولة.

واحد التقرير دارو مركز راند الأمريكي خلص الى أن سوخوي 57 ماشي طائرة من الجيل الخامس وانما طائرة محينة من الجيل الرابع يعني يالاه تقدر تنافس اف 16 لي عند المغرب او اف 15.

موضوعات أخرى

26/01/2021 20:20

اطلاق برنامج “تطوير-نمو أخضر” لدعم المقاولات الصناعية الصغيرة جدا والصغرى والمتوسطة باش يكون إنتاج مافيهش حس الكربون

26/01/2021 20:00

الموضة الجديدة.. الحفير ديال البيار ما مابقاش غير “خير وصدقة”.. رجع رحلة سياحية للمؤثرين ديال مواقع التواصل – تصويرة

26/01/2021 19:30

و الأمم المتحدة وماقالتهاش.. مفوض الأمن والسلم ديال الاتحاد الافريقي الجزائري اسماعيل شرقي خرج من الرونضة ديالو و قالك كنطالبو ب”تقرير المصير”