كود-كازا///

زعيتر من الزعيترات تسبب فمأساة فكازا. الهضرة على أبوبكر لي، قبل شي ايام، دار كسيدة فكازا بمطورو لكبير .

الكسيدة، وحسب معطيات وصلات ليها “كود”، وقعات فمقاطعة آنفا وبالضبط فشارع الزيراوي. وحسب معطيات حصرية عند “كود”، فضحية هاد الكسيدة مات. المقتول مزوج وعندو جوج ولاد.

الغريب هو ما تشدش هاد الزعيترات، وحسب معطيات عند “كود”، فإن عائلة زعيترات لقات شي تسوية مع العائلة، وهي الرواية لي كان تضارب حول تأكيدها أو استبعادها فالوقت ما تسناش لينا نتأكدو منها.

اللي تجبد ليه الموضوع يتخلع. ياك لاباس راه هاد بوبكر خاصو يتعتاقل مادام لكسيدة فيها قتل. من بعد نشوفو شكون اللي رتاكب خطأ. واش السرعة ولا التهور ديال ابو بكر زعيتر ولا هاد المواطن داز فالضو احمر او فبلاصة ما مسموحش ليه يدوز منها..