كود – كازا ///

مثل دفاع القنصلية المغربية ف مورثيا، مؤخرا، أمام المحكمة الاجتماعية ب المدينة، بسبب عدم امتثالها لقرار قضائي صدر لصالح سكرتيرة تم فصلها قبل عام. وطلبات الضحية الحجز على حسابات القنصلية لإجبارها على دفع باقي التعويضات اللي حكمات بيها المحكمة، حسب جريدة “لا أوبينيون دي مورثيا”.

وتقدمات الضحية بدعوى قضائية ضد القنصلية المغربية بسباب “التحرش ف مكان العمل والطرد التعسفي”، وهي القضية اللي تحكمات لصالحها، حيث اعتبرت المحكمة الاجتماعية، أن فصلها عن العمل باطل وخاصها ترجع للخدمة الأصلية ديالها بأثر فوري، مع دفع الصاليرات ديالها ابتداء من نفاذ الطرد بمعدل 56.89 يورو يوميا، فضلا عن دفع تعويض قدره 25.000 يورو من جهة و26.086.76 يورو كمصاريف أخرى.

وقالت جريدة “لا أوبينيون دي مورثيا”، أن كاتبة ف القنصلية المغربية ف مورثيا رفعات دعوى قضائية بسباب “التحرش ف مكان العمل والطرد التعسفي”، وتدعي العاملة أنها فقدات وظيفتها بعد ما دخلات من كونجي مطول لأنها تأثرات نفسيا من الإهانة اللي تعرضات ليها من دبلوماسي.

وقالت المدعية ف شكايتها، أنها بدات كتعرض للتحرش ف مكان العمل ابتداءا من 2021، ، عبر تقديم الهدايا، ولمسها جسديا بلا إرادتها، وكعقاب على رفضها تم نقلها إلى طابق ما فيهش إنترنت وبدا كلشي كيتجاهلها، قبل ما يتم فصلها من الخدمة ديالها ف القنصلية.