كود – وكالات//

وسط الحيحية اللي دايرة بكأس العالم 2026، قالت سكايلر ماي، وهي نجمة أمريكية فموقع OnlyFans، بلي هاد البطولة ولات أكثر فترة ربحات فيها الفلوس.

الشابة، اللي كتقول بلي دخلات مليون دولار فالشهر ديال المونديال، كشفات أن بزاف ديال الطلبات اللي كتوصلها من مشجعي الكرة ماشي باش يشجعو فرقهم، ولكن باش يعصبو المنافسين.

وقالت سكايلر فحوار مع إعلامي بريطاني بلي أغرب طلب جاها من واحد المشجع برتغالي معصب لكريستيانو رونالدو، اللي خلصها بفلوس صحيحة، غير باش تشري مونيكة صغيرة ديال ليونيل ميسي وتعفط برجليها لايف.

وزادت: “عمري تخيلت غادي ندوز الصيف ديالي كنشري تونيات والكرة والمونيكات ديال ميسي باش نربح الفلوس.”

وحسب سكايلر، فالأجواء ديال كأس العالم خلات بزاف ديال المشجعين يصرفو فلوس كثر من العادة، خصوصاً اللي مسافرين مع صحابهم أو كيتفرجو فالماتشات بعيد على عائلاتهم، وقالت باللي هاد الشي خلا الطلب على الفيديوهات الخاصة ديالها يطلع بشكل كبير.