كود كازا ///
علمت “كود” ان ناس فمدينة مديونة كيوجدو يصايبو تنسيقية ضد ترشح عبد الرحيم بن الضو الأمين الجهوي لحزب الأصالة والمعاصرة لجهة الدار البيضاء سطات. الترشح ديالو للانتخابات التشريعية ل2026 هدفها هو يزيد يدمر سياسيا صاحبو البارح وخصمو اليوم صلاح ابو الغالي اللي كيرأس دابا مجلسها البلدي.
لكن سكان فالمدينة ماشي سوقهم فالصراع مع ابو الغالي٬ كيهمهم مدينتهم. كيقولو باللي هاد الامي اللي ما قاريش٬ وولى امبراطور الفروماج بعد ما بدا بالتهريب من الشمال قبل اكثر من 40 سنة٬ ما عمرو فالولاية التشريعية الحالية دافع على اللي صوتو عليه.
من المرات لقلال اللي حضر٬ كيف كانت “كود” نشراتها فحينها٬ باش يدافع على شي ضريبة كانت غادية تزاد على استيراد الفروماج ومشتقاتو.
بن الضو للي كانت الفرقة الوطنية بعد اشعار من “لونسا” مشات شافت شي واردات مدخلها للمغرب بلى ما نعرفو كيفاش كملات القضية٬ غير مرغوب فيه فمديونة ولا فاولاد صالح اللي كيملك فيها عدد من لوزينات.
