وكالات//

مزال السكان ديال جزيرة سيردينيا الطاليانية محيرين العالم على ود السر لي عندهم ولي كيخليهم كيعيشو بزاف.

على حساب ماكاتقول التقارير أن هاد الجزيرة الأغلبية الساحقة ديال السكان ديالها كيعيشو أكثر من 100 عام.

ومشا موقع ميريكاني معروف سميتو CNBC للجزيرة باش يشوف السر ديال هاد الشي ولقا أنه كاين  4 ديال العوامل رئيسية.

الأولى هي أن السكان ديال سيردينيا كياكلو الخضرة بزاف، أكثر من اللحم ولا شي لاخر، والحاجة الثانية هي أنهم كياكلو غير شوية مكيكتروش الماكلة وكيدوزو الوقت ف أنهم يوجدو الماكلة ديالهم بلاصت مياكلو بزاف.

أما الحاجة الثالثة هي أنهم كياكلو الخبز ديال حبوب التريكوم لي معروف أنه فيه البروتينات بزاف، أما الحاجة الرابعة فهي أنهم كيتحركو وكيتمشاو بزاف فالجزيرة.