گود سبور//

كاتوجد الدبلوماسية المغربية فالميريكان، للمغاربة اللي غادي يحضرو كاس العالم 2026، تماك باش يكونو فظروف مزيانة وكاتطمن باش يكون المنتخب الوطني المغربي مرتاح هو والجمهور المغربي.

ومشى سفير المغرب المغرب فالميريكان يوسف العمراني لتيران ميتلايف فنيوجيرسي فين غادي يلعب المنتخب الوطني المغربي اول ماتش له فالمونديال، وتلقا مع المنظمين وشاف الملعب.

ونشر يوسف العمراني تغريدة على موقع X قال فيها: “قبل كأس العالم، زيارة إلى ملعب جيليت: لقاءات مثمرة مع المسؤولين والمنظمين، واطلاع على منشآت بمعايير عالمية، ومدينة تستعد بكل طاقتها لاستضافة الحدث. الرسالة كانت واحدة لدى الجميع: حماس كبير وترحيب صادق بالجماهير المغربية”.

ولاعب المنتخب الوطني المغربي يوم 13 يونيو 2026 ضد البرازيل ضمن الجولة الاولى من دور مجموعة كاس العالم 2026، ومن وراها غادي يمشي لمدينة بوسطن يلعب مع أسكتلندا يوم 19 يونيو، وغادي يمشي من بعدها يلعب ضد هايتي فأتلانتا يوم 24 يونيو.