كود سبور//

أصبح الدولي المغربي سفيان رحيمي هو الهداف التاريخي ديال المنتخب الوطني المغربي فالألعاب الأولمبية، بعدما تألق مع الأسود فأولمبياد باريس اللي هو الهداف ديالها حتى لدابا.

وقدر سفيان رحيمي يماركي 4 أهداف للمنتخب الوطني المغربي خلال مشاركة الأسود فدورة الألعاب الأولمبية الحالية “باريس 2024″، بتسجيل 2 أهداف على الأرجنتين، وهدف واحد على أوكرانيا، وهدف واحد فالماتش  لي تلعب اليوم مع منتخب العراق.

وحسب رشيد البوهالي المتخصص فالأرشيف الرياضي، فسفيان رحيمي حطم الرقم السابق اللي كان عند أحمد فرس، وهذا الشي بعد مرور 52 عام.

نفس المصدر وضح أن سفيان رحيمي وبالأهداف الأربعة اللي ماركا فدور المجموعات من الألعاب الأولمبية، تعادل مع أحمد فرس وصبح ثاني لاعب مغربي كايماركي فـ3 الماتشات متابعين من دور المجموعات فبطولة كبيرة مجمعة.