كود سبور//
أكد البطل الأولمبي والعالمي المغربي سفيان البقالي، أنه حاضر فأولمبياد باريس2024، باش يدافع على اللقب اللي ربح فأولمبياد طوكيو2020، ويهدي ميدالية اخرى للمغرب.
وهضر سفيان البقالي بعدما تأهل لفينال سباق 3000 متر حواجز فأولمبياد باريس، وقال: “أنا جاي ندافع على اللقب ديالي ماشي جاي للمشاركة، وما عليا حتى شي ضغوط راه أنا البطل الأولمبي، وانا غاندافع على لقبي باش نهدي لبلادي ميدالية اخرى.
وكان سفيان البقالي ربح الميدالية الذهبية فأولمبياد طوكيو، وباغي يربح الميدالية الثانية فباريس، وتأهل معه للفينال حتى العداء المغربي الاخر محمد تندوفت.
