كود سبور//

كشف الدولي المغربي سفيان أمرابط، أنه يقدر يبقى مع مانشستر يونايتد النگليزي، ولكن خاص حتى يگلس مع مسؤولين الفريق، وهذا الشي بعدما سالات مدة الإعارة ديالو من فيورنتينا الإيطالي مع نهاية الموسم الماضي.

وقال سفيان أمرابط فتصريح نشرو موقع Manchester United Forever: “مازال ما عرفتش شنو غاندير الموسم الجاي، والبقاء مع المان يونايتد حتى هو خيار.. الموسم الماضي كان صعيب بزاف، وبالنسبة لمانشستر يونايتد خاص يكون أحسن بزاف وحتى بالنسبة ليا أنا”.

وكمل سفيان أمرابط: “مانشستر يونايتد هو أكبر نادي فالعالم، وشكون هذا اللي ما يبغيش يلعب فيه؟ غانگلسو ونهضرو ونشوف شنو غايكون والمهم گاع الأطراف يكونو فرحانين”.