كود سبور//

أكد الدولي المغربي سفيان أمرابط، أنه هو ولاعبين المنتخب الوطني المغربي مركزين باش يحققو إنجازات جديدة يفرحو بها الجماهير المغربية، كيفما دارو فمونديال قطر وكثر.

وتحدث سفيان أمرابط، خلال تدريبات المنتخب المغربي استعدادا لمواجهة تنزانيا ضمن إقصائيات مونديال 2026، وقال فتصريح للموقع الرسمي ديال الجامعة الملكية المغربية لكرة القدم: “عشنا كأس عالم استثنائية، ودابا درنا هاد الإنجاز ورانا، اليوم غنبداو مغامرة وتحديات جديدة عندنا إقصائيات كأس العالم 2026، وكأس إفريقيا 2023‘‘.

وكمل نجم ليكيب ناسيونال وقال: “كنتدربو بشكل جدي فأجواء عائلية وزوينة وكنستعدو باش نفرحو المغاربة فكل أنحاء العالم كيفما وقع فكأس العالم بقطر اللي كان فيها داكشي واعر بزاف وغنديرو المستحيل باش نعاودو بحال هذاك الإنجاز وحسن منو”.