الرئيسية > آش واقع > سفارة مصر طلبات من المغاربة العالقين يعطيوها وثائقهم ويوجدو راسهم للترحيل
18/06/2020 17:11 آش واقع

سفارة مصر طلبات من المغاربة العالقين يعطيوها وثائقهم ويوجدو راسهم للترحيل

سفارة مصر طلبات من المغاربة العالقين يعطيوها وثائقهم ويوجدو راسهم للترحيل

عفراء علوي محمدي- كود//

غالبا المغاربة اللي حاصلين فمصر، بسبب إلغاء الرحلات فزمن انتشار فيروس كورونا المستجد، هوما اللي غايجي دورهوم باش يرجعو للمغرب بعد رحلة المغاربة اللي بقاو مازال حاصلين فتوركيا، واللي تقرر يجيو غدا الجمعة.

سفارة المغرب فالقاهرة دعات كل المواطنين المغاربة اللي حاصلين فمصر، باش يزودوها بكَاع المعطيات عليهم، وخصوصا اللي مازال ما عطاوها والو وناقصهم يزودوها بمعطيات جديدة، من قبيل نسخة من ليبيي اللي كانو مقطعين، ونسخة من الباسبور، ونسخة من الصفحة اللي فيها آخر تأشيرة دالدخول لمصر، ورقم التيليفون.

وكيف ما جا فبلاغ السفارة، اللي صدراتو اليوم، فهذشي غيمكنها من إدراج الناس اللي بقاو فلاليست ديال المغاربة اللي جاو زارو مصر بتأشيرة سياحية، باش يستفدو من رحلات جوية استثنائية للمغرب.

من جهة أخرى، وفرات سفارة مصر للمغاربة خدمة تمديد صلاحية الفيزا ديالهم “عند الاقتضاء”، أي إلى طالت مدة خدمتهم فمصر أو لأغراض أخرى ملحة.

ووضعات السفارة رهن إشارة المغاربة رقم الواتساب الحالي لأي استفسار: 00201064232892

موضوعات أخرى

07/07/2020 21:30

دراسة على المغاربة فالحجر الصحي: 62 ماعجباتهمش القرايا من الدار و88 فالمية جاتهم الخدمة من الدار صعيبة و17 فالمية وقعو ليهم مشاكل عائلية