اسماء غربي – كود//

سفارة فرنسا فالمغرب كذبات التقارير الإخبارية اللي قالت  ان باريس رفضات تصدر تأشيرات ولوج التراب الفرنسي لفائدة عدد من الأئمة المغاربة.

وخرجات السفارة بيان عبر حسابها على تويتر، كتبات فيه: عرفنا ان معلومة نشراتها الصحافة المغربية ووصلات حتى لمواقع التواصل، كتفيد اننا ماعطيناش الڤيزا لكاع الأئمة المغاربة فهاد رمضان. هاد المعلومة ماصحيحاش، اي امام مغربي طلب ڤيزا فرمضان تعطات ليه.

وكانت تقارير إخبارية اكدات ان فرنسا ماخرجاتش الڤيزا لعدد من الأئمة المغاربة، وهادشي فوت عليهم فرصة إحياء صلاة التراويح بعدد من مساجد البلاد، بحال المسجد الكبير فمونبليي.

Communiqué de presse de l'ambassade de France au Maroc ???? pic.twitter.com/jFrKhwDMgN

— La France au Maroc ???????????????? (@AmbaFranceMaroc) March 29, 2023