كود سبور//

غيخرج كل من سعيد الناصيري رئيس الوداد الرياضي وعادل رمزي مدرب الفريق، عند الوداديين يشرحو لهم تطورات الواك، قبل انطلاق الموسم الجاي.

وغيدير سعيد الناصيري والمدرب عادل رمزي ندوة صحافية اليوم الخميس فتيران بنجلون مع 12 ديال النهار، باش يكشفو للجماهير الودادية تطورات الفريق وانعكاسات وتقييم المشاركة فكأس العرب، وكيفاش غادين الاستعدادات لانطلاق الموسم الجاي، قبل أيام من انطلاق البطولة الاحترافية اللي غتبدا يوم 25 غشت الجاري.

وكتطرح جماهير الوداد الرياضي بزاف ديال الإسئلة مؤخرا، خصوصا بعد المشاركة المتواضعة فكأس العرب بالسعودية، وكيسولو واش كاينين شي انتدابات جداد، وكذلك واش التركيبة الحالية قادة تنافس على الألقاب وتربحها الموسم الجاي.