كود سبور//

أكد سعيد الناصيري رئيس الوداد الرياضي استمرار المدرب عادل رمزي مع الفريق حتى لدابا، وأنه غيجلس معه هو ومع اللاعبين، وقال بللي مستعد براسو يمشي لمصلحة الوداد.

وتحدث سعيد الناصيري، خلال المرور ديال فـ”شوف تيفي” أن أول ضحية يقدر يضحي به فهاد المشكل اللي واقع فيه الوداد هو المدرب عادل رمزي، ولكن هو ما باغيش يظلمو وما باغيش يضحي به.

وكمل سعيد الناصيري ووضح أن كلشي كيتحمل المسؤولية فهادشي اللي واقع فالوداد، وأول واحد كيتحمل القدر الأكبر من المسؤولية هو بنفسو كرئيس، وأكد على الجمهور باش يوقف مع الفريق فهاد الظرف الصعب.

سعيد الناصيري قال بلي غيدير اجتماع غدا الاثنين مع المدرب عادل رمزي والطاقم التقني ديالو واللاعبين، ووضح أنه غيدير ما فجهدو باش يحل الخلل سوًا كان فيه كرئيس او كان فالمدرب او كان فالوداد.

وشدد سعيد الناصيري على أنه مستعد للتغيير فالوداد ويمشي بحالو بشرط يعطي النادي لأيادي أمينة، وأنه مستعد يفتح باب الانخراط، سوا به هو او يغير المدرب او اللاعبين.