كود سبور//

كيتواجد سعد الناصيري رئيس الوداد الرياضي مع بعثة الفريق الأحمر اللي وصلت اليوم الثلاثاء للرباط، استعدادا لماتش الحمرا ضد فريق الجيش الملكي ضمن الجولة 9 من منافسات البطولة الاحترافية لكرة القدم.

وحل رئيس بطل المغرب وإفريقيا بفندق إقامة الوداد الرياضي بمدينة الرباط هاد العشية، باش يسهر على راحة اللاعبين قبل ماتش الكلاسيكو أمام فريق الجيش الملكي ويحفزهم ويدعمهم لتحقيق الرباح فالمواجهة باش الفرقة تنفرد بصدارة البطولة اللي كتدافع على اللقب ديالها.

وبالمقابل ربحو اللاعبين والطاقم التقني ديال الوداد بتواجد قائد غزاة إفريقيا سعيد الناصيري وسط منهم ورتاحو بزاف، خصوصا وأنه كيحاول يبقى قريب منهم فجميع الأوقات باش تظل الأمور مستقرة ويبقى جو العائلة هو اللي حاضر فدار بنجلون.

وحل فريق الوداد الرياضي اليوم بمدينة الرباط استعدادا لمواجهة فريق الجيش الملكي فالبطولة يوم الخميس، وقرر الطاقم التقني ديال الحمرا بقيادة كل من حسن بنعبيشة وعبد الإله صابر يحي الوداد الرباط قبل بمدة 48 ساعة الماتش.