كود سطات///

في سطات، اللي كا تنظم فيها (جمعية الفن السابع) المهرجان الوطني لفيلم الهواة، وفي فقرة لقاء خاص استضافت الجمعية الفنان الملتزم (سعيد المغربي) اللي هضر على حياتو وعلى مسيرتو الفنية وهروبو من المغرب إلى فرنسا اللي رجع منها حامل لدرجة الدكتوراه، وكيفاش تدخل الراحل عبد الرحمان اليوسفي باش قدر يخدم لأنه كان تجاوز السن المعمول به آنذاك..

ولكن سعيد المغربي في هاد اللقاء اختار يتكلم كذلك على واحد اللابق طرا ليه مع المخرج نبيل عيوش، منين بغى يدير الفيلم ديالو (مكتوب) وطلب منو يدير ليه الموسيقى التصويرية.

وقال سعيد المغربي إنه اشتغل على إعداد موسيقى تصويرية من داكشي الرفيع، سمعها نبيل عيوش، ولكن ما دارش بيها رغم ان الزوجة ديالو أعجبت بها..

ولكن نبيل عيوش اختار التعامل مع فنان كاوري، وخلا ولد بلادو اللي بدل مجهود، وما تخلصش فيه ومازال كايتسال التعويض ديالو اللي باقي عند هاد المخرج..
وقال

سعيد المغربي قلب وجهو حيت بعض المسامر اختاروا يحذروه من التعامل معاه، حيت التوجه ديال الموسيقى ديالو كان ثوري.

وقال المغربي إن هاد الموقف من نبيل عيوش قطع عليه الطريق لإنجاز الموسيقى التصويرية لأفلام أخرى.