كود سبور//

كشفت تقارير إعلامية أن الأندية السعودية رجعت كتهتم تاني بالنجم المغربي عز الدين أوناحي لاعب أولمبيك مرسيليا الفرنسي للتوقيع معه فالميركاتو الشتوي الجاي، وأن دابا كاين حتى فريق قطري باغي يسني معه.

وحسب جريدة “ليكيب” الفرنسية فإن أولمبيك مارسليا الفرنسي عندو عروض بخصوص اللاعبين ديالو، من بينها عروض سعودية للنجم المغربي عز الدين أوناحي.

جريدة “سبق” السعودية، حتى هي تكلمت على عز الدين أوناحي والعروض السعودية، وقالت بللي القضية فيها 4 أندية سعودية باغيا أوناحي وحتى فريق قطري كيتنافس معهم على خدمات اللاعب المغربي.

وحسب الجريدة السعودية، فالأمر كيتعلق بكل من أندية الهلال واتحاد جدة وأهلي جدة والشباب، ومعهم حتى الدحيل القطري، وهاد الفريق قال نفس المصدر أنها باغيا أوناحي.

والمثير للاهتمام أن الدحيل القطري هو الفريق السابق للدولي المغربي السابق المهدي بنعطية، اللي هو دابا وكيل أعمال عز الدين أوناحي وخدام أيضا، مستشار فالإدارة ديال أولمبيك مارسيليا فريق أوناحي.