كود سبور//
أكد سعد حداد لاعب المنتخب الوطني المغربي لأقل من 20 عام، أن الأشبال واجدين لمواجهة منتخب مصر فدومي فينال كأس إفريقيا U20 المقامة بمصر، وقال إنهم غايلعبو هذا الماتش بلا ضغط حيث ضمنو التأهل للمونديال، وأنهم غايوريو للمصريين علاش قادين فالتيران.
وهضر سعد حداد فتصريح له نشراتو الجامعة الملكية المغربية لكرة القدم على الموقع ديالها، قبل ماتش المغرب ومصر، اللي غايتلعب غدا الخميس، وقال: “كايتسنانا ماتش مهم بزاف ضد مصر، وما غاديش يكون ساهل، وغايكون قدام الزمالك جمهورهم، وحنا عارفين شنو كايتسنانا”.
وكمل سعد حداد، وقال: “كانوجدو لهذا الماتش مزيان وبأحسن طريقة وما يكون غير الخير، الجمهور المغربي كايعطينا موتيفاسيون كثر، والگروب ديالنا فالمنتخب زوين بزاف”.
وختم لاعب المنتخب المغربي: “حيدنا علينا الضغط ديال التأهل للمونديال وغانلعبو ضد مصر بلا ضغط وفالتيران غانوريهم شنو كانعرفو نديرو”.
