وكالات//

تدخّلو عدد كبير ديال رجال السلطة بالأسلحة ديالهم والسيارات باش يحميو واحد البلدة فتركيا من هجوم جماعي ديال ناس من بلدة قريبة، وهادشي بسبب صداع ناض على مباراة ديال “كرة القدم”.

وتجمعو بزاف ديال سكان بلدة “كيليديري” اللي تابعة لمحافظة “نيغدي”، ومشاو فالاتجاه ديال بلدة “يازيهويوك” اللي تابعة لمحافظة “نيف شيهير” وما بعّداش عليهم، غير قبل ما يوصلو وقفاتهم القوات الأمنية.

وواحد الفيديو بيّن بزاف ديال طموبيلات البوليس واقفين وموجدين فالساحة الرئيسية ديال بلدة “يازيهويوك” باش يمنعو أي هجوم ممكن بالليل من طرف سكان “كيليديري”.

وبانُو حتى العشرات من سكان “كيليديري” كيحاولو يدوزو من واحد الحاجز ديال البوليس اللي داروه فمدخل البلدة باش يمنعوهم يتقدمو بزّاف.