وكالات///

سلط جورنال “الغارديان” الضوء لأول مرة على التحركات السرية ديال مامات الميلياردير الميريكاني المعروف وأغنى رجل في العالم، إيلون ماسك.

مول شركة “تيسلا” معروف ف العالم كلو بعلاقاته الغرامية والعيالات الـ3 لي دوز في حياتو وحتى بالأولاد الستة لي عندو، ولكن قليل لي كيعرف شكون هي ماماه.

الجورنال البريطاني المعروف قال إن ماماه هي “ماي ماسك” ولي مكيعرفوش بزاف ديال الناس أن الوالدة ديالو حتى هي كتعاونو في الأنشطة ديالو.

وكشف الجورنال أن “ماي ماسط” كتنتمي لواحد اللوبي ميريكاني معروف سميتو “المؤثرين الفضيين” وهوما لي كيعاونو ماسك فبزاف ديال القضايا والملفات وكيدخلوه حتى فمارشيات جداد.

وأكد الجورنال أن الملف الأخير لي مركزة عليه مامات ماسك دابا هو الملف الصيني، وحضرات مؤخرا شي اجتماعات في شنغهاي، وكيقولو إنها غادي تكون هي البوابة ديال اقتحام ماسك للسوق ديال الصين.