كود بني ملال //
خرجات ساكنة جماعة أدوز فمسيرة على رجليها صباح اليوم التلات 23 سبتمبر قاصدة مقر ولاية جهة بني ملال–خنيفرة، باش يطالبو بتحقيق مجموعة ديال الحقوق الاجتماعية والتنموية. المسيرة كانت منظمة والناس اللي شاركو فيها حافظو على السلمية، وهاد الخطوة الهدف منها شد الانتباه لمطالبهم المشروعة.
ووفق المعطيات اللي عندنا، كانو عناصر الدرك الملكي حاضرين باش يضمنو سلامة الطريق وسلامة المحتجين، ويهتمو بتنظيم حركة المرور وتأمين المسيرة بلا أي احتكاك أو مشاكل.
وهاد التحركات جاية فإطار التعبير السلمي على المطالب المحلية، مع دعوة للسلطات باش يسمعو لهم ويستاجبو للرسائل اللي طالبة تحسين ظروف الساكنة وتوفير الخدمات الأساسية.
