كود ـ بني ملال//

حي شعبي فبني ملال، عاش حادث خايب، اليوم الاحد، بعد ما واحد السودور كان تايستعمل بوطة باش يسودي برميل كبير ديال لحديد كالو فيه مادة قابلة للاشتعال “الكولا”. وفجأة وقع انفجار وتقاس فيه السدور لي تهرسات لو رجلو.

وحسب مصدر “كود”، فسيارة الإسعاف جات بالزربة لعين المكان، ونقلات المصاب إلى مستعجلات المستشفى الجهوي ببني ملال، باش تعطاه الإسعافات الأولية والعلاجات الضرورية. ومن المنتظر تفتح السلطات الأمنية لونكيط لمعرفة ظروف وملابسات ما وقع.