كود الرباط//

البي جي دي دار “البوليميك” بملف المحروقات فمناقشة التعديلات المقترحة لرفع الضريبة على الشركات فمشروع قانون مالية 2024، يوم الجمعة الماضي.

عبد الله بوانو، اللي كيحتكر الكلمة باسم مجموعة البي جي دي، قال بأن هناك 4 شركات عندها احتكار في التوزيع والتخزين ومنها شركات خارجية،  واش نمشيو للتحكيم الملكي.. تضريب الثروة، أوروبا دايرا 65 في المائة من الضغط الضريبي حنا غير 46 فالمائة”.

البام رد على بوانو بالقول: “فين بغيتو تزيدو كاع لي كيربح نزيدو نضغطو عليه بالضرائب، راه هاد الشركات هوما لي كانو مساهمين فكوفيد ومساهمين فالزلزال وعندهم دور كبير”.

البرلماني البامي صلاح أبو الغالي قال: “كنا ف28 في المائة وطلعنا لـ31 ثم 35 ودبا وصلنا 40 في المائة من الضرائب على الشركات، فين ماشين بالبلاد وكلما شركة ربحات نضربوها” مضيفا: “هاد الشركات للي كنهضرو عليها، شكون لي لقينا فكوفيد وملي جا الزلزال، نبداو نحترمو مقاولات لي كتربح.. شكون يخلص الجمارك والضرائب وشكون للي كيوفر مناصب الشغل..”.