وكالات//

كتعيش الأرجنتين حالة من الاستنفار، وطلقات السلطات في البلاد تحذيرات كبيرة بسباب الانتشار غير المسبوق ديال واحد السخانة خايبة سميتها حمى الضنك.

وهاد السخانة ولي مشهورة كذلك بلقب “حمى كسر العظام” كتكثر بزاف فهاد لوقيتة، وكتزيد من الحدة ديالها السخونية ديال الجو والارتفاع ديال مستوى الرطوبة.

كتقول الأرقام الرسمية ديال الأرجنتين أن البلاد كتعرف كل عام 120 ألف حالة وكيموتو تقريبا 100 واحد، ولكن الأرقام لي خرجات ف الأسابيع الأولى ديال هاد العام أكبر بكثير.

آخر تقرير خرجاتو وزارة الصحة في الأرجنتين كيقول أن الأرقام لي تسجلات ف هاد العام أكبر ب 200 ف المية من المعدلات المعروفة، وهادشي كيعني أن حتى عدد الوفيات غادي يكون كبير بزاف.