وكالات//

علن اتحاد “وركرز يونيتد”، لي كيمثل أكثر من 10 آلاف خدام في قطاع المقاهي، أن الإضراب لي بدا نهار الجمعة لي فات توسع باش يوصل لـ4 ديال المدن جديدة.

وأكد الاتحاد أنه من بين هاد المدن كاينة نيويورك وفيلادلفيا ونيوجيرزي وسانت لويس، مع مدن أخرى كبيرة بحال لوس أنجلوس وشيكاغو وسياتل.

على حساب مقالت وكالة “رويترز”، فهاد الإضراب، لي غادي يستمر لمدة خمسة أيام، الهدف ديالو هو الضغط على إدارة ستاربكس باش يحققو بزاف ديال المطالب عندها علاقة بليصالير وظروف الخدمة.

وبغاو الموظفين زيادة فورية في الحد الأدنى للأجور بنسبة 64%، وزيادة إجمالية كتوصل لـ 77% فمدة العقد لي كتمتد لـ3 سنين، وبغاو كذلك أنهم يزيدو عدد الناس لي خدامين معاهم باش يسهلو عليهم الخدمة.

وواخا دارت شركة ستارباكس واحد البلاغ كتقول إن هاد الإضرابات مأثروش عليها، إلا أن الوقيتة ديالها جات ف عطل راس السنة لي كيكون فيها الزحام وبالتالي ممكن تتسبب ليها في خسائر كبيرة.