الرئيسية > كود سبور > “سبونصور” غادي يعاون جمهور الحسنية ب50 كار باش يمشي لوجدة
14/11/2019 13:50 كود سبور

“سبونصور” غادي يعاون جمهور الحسنية ب50 كار باش يمشي لوجدة

“سبونصور” غادي يعاون جمهور الحسنية ب50 كار باش يمشي لوجدة

كود سبور//

“سبونصور” الرسمي ديال حسنية أكادير غادي يخصص 50 كار لجمهور حسنية أكادير باش يتنقل لوجدة نهار الاثنين الجاي.

وكشفت مصادر سوسية، أن الراعي الرسمي قرر يساعد الحسنية في عملية استقطاب الجمهور وتشجيعه على التنقل من خلال تخصيص 50 حافلة.

حسنية أكادير عوال على جمهوره العريض باش يشجعوا في الفينال ديال كأس العرش نهار الاثنين الجاي بالملعب الشرفي في وجدة.

مكتب الفريق، اكد بلي هذه الخطوة جات بطلب من إدارة الفريق باش ينخرط الجميع في مساعدة الجماهير على التنقل نظرا لبعد المسافة الرابطة بين وجدة وأكادير.

هاد المصادر كتوقع مبادرات أخرى من غيورين ومحبين لي باغيين يدعموا حسنية أكادير ف هاد الفينال.

حسنية أكادير غادي يلعب الفينال كونتر الاتحاد البيضاوي بعدما فاز على المغرب التطواني بثلاثة لزيرو، فيما تغلب الطاس على الدفاع الحسني الجديدي بواحد لزيرو.

موضوعات أخرى