وكالات//

حذفات “سبوتيفاي” البودكاست ديال أندرو تيت لي كان سميتو “المروجون” (Pimping Hoes)، بعد ما توصلات بشكايات كثيرة من المستخدمين، من بينها عريضة إلكترونية وقعها أكثر من 92,000 واحد.

وشرحات “سبوتيفاي” أن الحذف كان بسبب مخالفة البودكاست لسياسات المنصة، ماشي بسبب الخلافات الداخلية بين الموظفين.

أكدات أن المحتوى لي تحيد كان كيخالف القوانين ديالها اللي كتحظر التصريحات “المهينة” لي كتمس الأفراد أو المجموعات بناءً على خصائص محمية بحال الجنس أو الهوية. وكتحظر المحتوى اللي فيه تحرش أو إساءة.

وكان موقع “404 ميديا” ذكر أن بعض الموظفين في “سبوتيفاي” عبروا عن استيائهم من استضافة محتوى اندرو تيت، وقال واحد منهم أن الأمر “مشين بزاف”.

العريضة ديال سبوتيفاي كانت كتتهمها “بالاستغلال ديال النساء والفتيات” وكاتقول بللي بعض الدورات ديال تيت كتعلّم الرجال كيفاش يتحايلوا على النساء ويستغلوهن.

ورغم أن البودكاست تحيد، إلا أن بعض الحلقات ديال تيت اللي فيها محتوى مثير للجدل باقيين متاحين على المنصة، بحال حلقة كيهدرو فيها على القواعد الصارمة في التصاحيب مع النساء.