الرئيسية > جورنالات بلادي > سبقاتنا مصر فالڤاكسان وبدات بالصيني.. اليوم غيديرو اللقاح لناس الصحة 
24/01/2021 10:00 جورنالات بلادي

سبقاتنا مصر فالڤاكسان وبدات بالصيني.. اليوم غيديرو اللقاح لناس الصحة 

سبقاتنا مصر فالڤاكسان وبدات بالصيني.. اليوم غيديرو اللقاح لناس الصحة 

كود كازا ///

وزارة الصحة والسكان المصرية علنات البارح السبت باللي اليوم الاحد غادي تبدا عملية تلقيح. اول من سيلقحون هما رجالات الصحة. وزيرة الصحة هالة زايد قالت باللي مستشفى بالاسماعيلية غادية تنطلق منو العملية.

جريدة “الاهرام” المصرية قالت باللي “إجمالي المستهدف” من رجالات الصحة يصل ل207 الف مواطن.

مصر بدات باللقاح الصيني سينوفارم. مصر توصلات هادي 3 اسابيع باول شحنة من هاد اللقاح وتوقعت وزيرة الصحة توصل شحنات اخرى. القاهرة وبيكين كانت دارت مذكرة “تفاهم مع لجنة الصحة الوطنية بجمهورية الصين الشعبية، لتعزيز التعاون المشترك بين البلدين لمواجهة جائحة فيروس كورونا”.

دابا المصريين سبقونا ب24 ساعة. حنا غاديين نبداو غدا الاثنين برجال وعيالات الصحة اللي عمرهم 40 عام والفوق والناس لكبار اللي عمرهم 75 عام والفوق. المغرب توصل جوج مليون دوز من “استرزنيكا اوكسفور” اللي كيتصنع فالهند الجمعة اللي فاتت. شحنة جديدة غادية توصل الاربعا الجاية هاد المرة ديال سينوفارم” الصيني.

موضوعات أخرى