الرئيسية > كود-تيفي > 7 سنين لـ3 دالمراهقين مغاربة تعرضوا للعنصرية من النازيين الجدد وردو عليهم بالعنف – فيديو
22/07/2021 16:00 كود-تيفي

7 سنين لـ3 دالمراهقين مغاربة تعرضوا للعنصرية من النازيين الجدد وردو عليهم بالعنف – فيديو

7 سنين لـ3 دالمراهقين مغاربة تعرضوا للعنصرية من النازيين الجدد وردو عليهم بالعنف – فيديو

كريم الشركي-كود//

ادان القضاء الاسباني، ثلاثة دالمراهقين مغاربة، الاسبوع الفايت، وحكم عليهم بسبع سنين سجنا، والطرد لمدة عشر سنوات من اسبانيا، وتعويض قدره 4100 اورو للضحايا.

الحادث وقع فمدريد، فشهر تكتوبر من سنة 2020، ملي توصلات الشرطة ببلاغ على تعرض جوج شبان اسبان لضرب عنيف، واحد فيهم تهرس ليه نيفو وجمجمتو، والتانس تعرض لجروح فالراس، بعدما هجموا عليهم المراهقين المغاربة بالحجر.

صحيفة بوبليكو، قالت ان  المراهقين المغاربة المتهمين، قال واحد فيهم انه تعرض للعنصرية والاعتداء بالكاسك ديال الموتور، من طرف الشابين لي كينتاميو لجماعة النازيون الجدد، وانه عيط للبوليس وخبرهم، وفعلا البوليس اكدو هادشي، لكنهم مادارو والو نع الشبان، ومن بعد ناضت الروينة ملي جاو صحاب المراهق.

القاضية عتابرات ان الحادثين ماعندهومش علاقة ببعضهم، وحكمات على المراهقين بسباب الاعتداء الخطير لي تعرضوا ليه الشابين الاسبانيين، سيما أن هؤلاء نكروا انهم من جماعة النازيون الجدد.

 

موضوعات أخرى

30/07/2021 20:30

قانون مزاولة الأجانب لمهنة الطب بدا تنزيلو بكري.. مذكرة وزارية لتنظيم الاستثمارات الأجنبية وقطع الطريق امام احتكار لوبيات المصحات الخاصة للاستثمارات فالصحة

30/07/2021 19:30

الجمعية الصحراوية طالبات المحكمة العليا فـ الصبليون تلغي قرار القاضي “بيدراث” بخصوص اتهامات ضد زعيم البوليساريو و إصدار مذكرة توقيف دولية فـ حقو