كود – سبتة//

وصلات البارح لمدينة سبتة عناصر من تنظيم إسباني متطرف كيسمي راسو “Nuclear Nacional”، وهو تنظيم معروف بأفكار اليمين المتطرف وكيروج لخطابات معادية للمهاجرين والأجانب ،وجا أفراد هاد التنظيم للمدينة وسط باش يركبو على الموجة ،مني رفعو شعارات عنصرية بحجة على الهوية الإسبانية”.

https://x.com/i/status/2083822384096628824

هاد التحرك معحبش سكان سبتة، خصوصاً المغاربة اللي خرجو يحتجو ضد هاد المجموعة وعبرو على رفضهم لأي خطاب عنصري أو تحريضي،وفهاد الاحتجاجات عرفات المدينة الروينة مع حضور أمني ، قبل ما تنسحب عناصر التنظيم .

الواقعة رجعات النقاش على تصاعد أنشطة جماعات اليمين المتطرف فإسبانيا، لي كيستغل أزمات الهجرة باش تحرش الأنصار ديالها وفالمقابل، أكدت الاحتجاجات اللي عرفاتها سبتة أن جزءاً كبيراً من الساكنة كيعارض هاد الخطابات وكيعتبرها تهديد للتعايش وسط المدينة.