كود سبور//

تجمعو لاعبين الرجاء الرياضي، البارح الاربعاء على العشا باش يصفيو الخواطر قبل ما يلعبو ضد المغرب التطواني السبت الجاي.

وخرجو لاعبين الرجاء الرياضي بقيادة المدرب ريكاردو سا بينتو والكابيتان أنس الزنيتي، وتعشاو كاملين فواحد الريستطو فكازا، وسط أجواء زوينة وكانو ناشطين والهدف ديالهم هو يديفولاو شويا ويهزو المورال لبعضياتهم خصوصا فهاد المرحلة الصعيبة اللي كايدوز منها الفريق.

وغايسافرو الرجاء الرياضي غدا الجمعة لمدينة تطوان، باش يلعبو مع المغرب التطواني برسم الدورة 10 من البطولة الاحترافية، يوم السبت الجاي مع 8 الليل فتيران سانية الرمل.