كود سبور//

احتج مدرب الرجاء الرياضي ريكاردو سا بينتو على التحكيم فماتش الديربي ضد الوداد الرياضي، البارح الجمعة فتيران العربي الزاولي برسم الدورة 11 من البطولة الاحترافية، وأعتبر ان لاعب الوداد إسماعيل مترجي كان يستحق بطاقة حمرا وأن الرجا يستاهلو الرباح.

وقال ريكاردو سا بينتو مدرب الرجاء الرياضي فتصريح له بعد نهاية الديربي اللي سالا بنتيجة واحد لواحد: “ماتش الديربي كان فيه اللعب عنيف وفيه الضرب والتقاتيل، وكان لعاب من الوداد كايستاهل يخرج بالحمرا فالشوط الاول، شفتها فالطابليط وكانت واضحة وما عطاهش الحمرا”.

وكمل ريكاردو سا بينتو: “الماتش كان متوازن فالشوط الاول واخا ما بديناش الماتش مزيان، ولكن قدرنا نرجعو وكنا تستاهلو الرباح”.