كود سبور//
باغي الدولي المغربي رومان سايس يلعب مازال مع المنتخب الوطني المغربي، وقال إنه باقي عندو ما يعطي لليكيب ناسيونال.
وهضر رومان سايس لاعب السد القطري، وقال فبودكاست: Club des 5 “كانحس براسي مازال قادر نعطي للمنتخب الوطني، وحضوري مع منتخب بلادي هو فخر بالنسبة ليا ديما عكس داكشي اللي كانحس به مع الفراقي اللي كانلعب لها”.
وكان من المنتظر يكون رومان سايس حاضر مع المنتخب المغربي فالتوقف الدولي الماضي، ولكن الإصابة ديالو مع السد القطري والعملية اللي دار خلاتو ما يرجعش للمنتخب المغربي بعد مدة من الغياب.
