كود سبور//

أكد قائد المنتخب المغربي أن الماتش ديال ليكيب ناسيونال ضد منتخب البيرو بمدريد ماكانش ساهل، وأن المباراة كانت فيها مجموعة من الأشياء إيجابية بالرغم من انها سالات بالتعادل السلبي زيرو لزيرو.

وقال غانم سايس فتصريح له من بعد ماتش المغرب والبيرو: “الماتش كان صعيب بحال كل المباريات اللي كتكون ضد منتخبات أمريكا الجنوبية”.

وكمل سايس وقال: “دخلنا مزيان فالماتش ولكن كانت شي فترات معقدة وكان علينا نصبروا فيها، والمهم راه كانوا شي نقاط إيجابية خلال المواجهة والمهم هو نخدمو خصوصا على الهجوم باش نوليو نماركي فبحال هذه الماتشا”.