كود ـ كازا//
أفادت دراسة أجراها باحثون بلجيكيون وشركة التأمين AG أن الطفل كيتقام على واليديه منين كيتزاد حتى كيدير 25 عام بـ260 ألف أورو .
وحسبما ذكرت صحيفة “ويست فرانسا” فالدراسة تدارت من خلال مقارنة نفقات الأسر اللي عندها أطفال وأسر اللي معندهاش، وركزو فيها على النفقات ديال الطفل كاملة من ليكوش والماكلة والحوايج حتى كيوصل للكلية.
وأشارت أن الدراسة توصلات إلى أن كل ما العائلة ولدات كثر كتكون التكلفة المتوسطة للطفل الواحد أقل لأن بعض النفقات كتنقص حيت الصغير كيستعمل حوايج الكبير، إلا أنه وخا هكاك كتبقا التكلفة طالعة (224 ألف أورو) ولهذا كتأكد شركة التأمين AG على ضرورة التخطيط المالي الجيد منذ الصغر.
