الوالي الزاز -كود- العيون///

[email protected]

من المنتظر أن يمثل رئيس الحكومة الإسبانية، بيدرو سانشيث، أمام الكونگرس الإسباني، باش يقدم توضيحات حول مجموعة من القضايا اللي كتهم إسبانيا وسياستها الخارجية.

وغادي يمشي بيدرو سانشيث للكونگرس نهار الاربعاء 10 أبريل الجاي، باش يقدم تقرير حول العلاقات مع المغرب، فضلا عن المناقشات اللي كانت في المجلس الأوروبي يومي 21 و22 مارس للي فات.

وعلن المتحدث باسم المجموعة الاشتراكية، باتكسي لوبيز، عن ظهور بيدرو سانشيث فالجلسة العامة ديال الكونگرس الأسبوع المقبل، بحيث غادي يشرح للنواب مستجدات المناقشات فالمجلس الأوروبي بطلب منو، بينما شرحو لقضية العلاقات مع المغرب جاي بناء على طلب ديال الحزب الشعبي الإسباني المعارض.

شرح سانشيث للعلاقات مع المغرب غادي تهيمن عليه قضية المناورات ديال البحرية الملكية فالسواحل الجنوبية للمملكة اللي دايرة الصداع فالصبليون وشادة فيها المعارضة بقيادة الحزب الشعبي باش تحرج الحكومة.