كود سبور//

قرر الأرجنتيني خورخي سامباولي المدرب الجديد ديال إشبيلية يخلي المغربيين ياسين بونو ويوسف النصيري فالاحتياط فأول ماتش له مع الفريق، واللي غيلعبو هذا العشية ضد اتلتيكو بيلباو فالجولة 8 من بطولة الصبليون.

خورخي سامباولي اللي سنا معه إشبيلية يوم الأربعاء الماضي فقط، قام بتغيير اللي حتى واحد ماكان كيتوقعوا فالفريق بعدم إشراك ياسين بونو الحارس الرسمي ديال الفريق الأندلسي واللي كيتعتبر من أفضل لكوال فالعالم.

أمام بخصوص يوسف النصيري فالكثير من المتتبعين كان كيشوف على أن المهاجم المغربي غادي يلعب رسمي فهذا الماتش بحكم أنه ماركا فالمباراة الماضيى ضد بورسيا دورتموند فدوري أبطال أوروبا، لكن المدرب الأرجنتيني فاجأ الجميع وخلاه فالاحتياط.