الرئيسية > كود-تيفي > سالات وقت خدمتو.. پيلوط هبط بطيارة ومابغاش يزيد يكمل الڤول حتى يرتاح – فيديو
18/01/2022 03:00 كود-تيفي

سالات وقت خدمتو.. پيلوط هبط بطيارة ومابغاش يزيد يكمل الڤول حتى يرتاح – فيديو

سالات وقت خدمتو.. پيلوط هبط بطيارة ومابغاش يزيد يكمل الڤول حتى يرتاح – فيديو

وكالات //

رفض پيلوط أنه يكمل الرحلة بالمسافرين اللي كانو فالطيارة بعدما سالا السويعات ديال الخدمة ديالو ووصلات الوقيتة فاش يروپوزي شويا.

الطيارة اللي تابعة للخطوط الجوية الباكستانية، كانت فرحلة بين العاصمة السعودية الرياض و مدينة إسلام أباد، وكانت تعطلات بسبب الجو اللي كان خايب، وقفات فمدينة الدمام السعودية نهار الأحد، لأن وقت السربيس ديال الپيلوط سالا وكان ضروري خاصو يرتاح.

المسافرين اللي كانو غادين لإسلام أباد الباكستانية كعاو ديال بصح، لكن المتحدث بإسم الخطوط الباكستانية قال أن الپيلوط من حقو يرتاح باش يضمن سلامة الرحلة.

ونزلو الناس من الطيارة وشدو ليهم أوطيلات فين يرتاحو حتى للغد ليه ويكملو الرحلة ديالهم.

وها فيديو كيشرح فيه پيلوط سعودي أشنو وقع وبعض التفاصيل الأخرى مرتبطة بهاد لافير:

موضوعات أخرى

24/05/2022 21:30

نايضا فالمكتب الوطني لسلامة الملاحة الجوية.. نقابة مخاريق لمديرة الموارد البشرية: كتهتمو بالأموات بتأمين الوفاة وتهمشو الأحياء

24/05/2022 20:30

قضية مقتل الطالب آيت الجيد.. هيئة دفاع حامي الدين: المحكمة بان ليها كاينة تناقضات فتصريحات الشاهد وكان عليها تديرو فالحراسة النظرية