الرئيسية > تبركيك > سالات لمحمد بن سلمان. الفيمينيست السعودية لجين الهذلول خرجات من الحبس
10/02/2021 23:00 تبركيك

سالات لمحمد بن سلمان. الفيمينيست السعودية لجين الهذلول خرجات من الحبس

سالات لمحمد بن سلمان. الفيمينيست السعودية لجين الهذلول خرجات من الحبس

عن CNN//

اليوم الأربعاء خرجات لجين الهذلول، الفيمينيست السعودية، من الحبس، بعدما دوزات العقوبة اللي كان محكوم عليها بيها واللي كتجاوز 1000 يوم، بسبب مطالبتها بإلغاء مجموعة من القوانين السعودية اللي كتشوف أنها جائرة فحق النساء، وأهمها القانون اللي كيمنع المرا تسوكَ، واللي تحيد مؤخرا.

وتشدات الهذلول، فحملة تمشيطية فماي 2018، استهدفات مجموعة من المعارضين، وفدجنبر اللي فات حكمات المحكمة الجزائية المتخصصة فقضايا الإرهاب على لجين ب5 سنين دالحبس و8 شهور، منها عامين و10 شهور نافذة، وهي المدة اللي دوزاتها.

وحسب بيان للعائلة ديالها، فالهذول، اللي عندها 31 عام، غتبقى واخا هكذاك تحت المراقبة لمدة 3 سنين، وممنوع عليها تسافر مدة 5 سنين، وغيمكن تعتقل فورا إلى مارسات شي نشاط غير قانوني.

وفتصريح خو الهذلول لCNN، قال أن هذ الإفراج غير كامل مادام مرافقوش تحقيق فالاتهامات الموجهة ليها، ومازال مقرون بالمراقبة ومنع السفر، وقال أنه هكذا “كنبقاو بعيدين كل البعد على العدالة”.

وتزامن إطلاق سراح الهذلول مع دعوة الرئيس الأمريكي جو بايدن للسعودية باش تحسن سجلها الحقوقي والإفراج عن السجناء السياسيين وليفيمينيست.

وتمت إدانة الهذلول فداك الوقت بتهمة “الإضرار بالأمن القومي”، و”السعي لتغيير النظام السياسي السعودي”، و”استخدام علاقاتها مع الحكومات الأجنبية والجماعات الحقوقية للضغط على المملكة لتغيير قوانينها وأنظمتها”، وكانو اعتبرو خبراء فالأمم المتحدة بأن هذ التهم “كاذبة”.

وكان سبق لأنصار الهذلول وعائلتها أكدو انها تعرضات للتعذيب فالحبس، الشيء اللي نفاتو السلطات السعودية.

تقرير CNN فالموضوع هنا:

https://edition.cnn.com/2021/02/10/middleeast/hathloul-saudi-released-intl/index.html

موضوعات أخرى

01/03/2021 16:30

حركة “معا” فضحات تواطؤ الحكومة ضد مغاربة العالم: ها كيفاش تم اقصائهم من المشاركة الانتخابية وها الاقتراحات لإنصافهم

01/03/2021 16:20

توقيت السدان خنق التجار ومبقاوش قادرين يصبرو.. راسلوا رئيس الحكومة و ها اش اقتارحو عليه باش تخفاف عليهم أزمة “كورونا”

01/03/2021 15:00

تكفير “كود” وصحافييها من طرف “مول الفوقية”. رفيقي لـ”كود”: هذشي اللي وقع خطير وخاص قانون كيجرم التكفير لما فيه من عنف وخطر على سلامة الأفراد.. والتكفير ممكن يأدي لتجييش وتناسل الخلايا الإرهابية